Најмалку 85 луѓе загинаа, а повеќе од 300 се повредени во Сана, главниот град на Јемен, за време на стампедо, јави француската новинска агенција „АФП“. Бројот на загинатите и повредените расте доста брзо бидејќи првите информации беа за триесет мртви за време на хуманитарен настан одржан во Сана, град контролиран од бунтовниците Хути, кои ја потврдија веста за „АФП“.

Breaking: 79 people killed and 110 injured after a stampede in a school in Sanaa, Yemen where poor people gathered to receive charities during Ramadan.

📽️@SaadAbedine#Yemen pic.twitter.com/f0ti65IUQB

— World Times (@WorldTimesWT) April 20, 2023

Бунтовничката новинска агенција Саба наведува дека жртвите веднаш биле пренесени во блиските болници и дека организаторите на овој настан се уапсени. Меѓу загинатите има деца и жени, а се соопштува дека најмалку 50 лица моментално се во критична состојба.

Бунтовниците Хути, врзани со Иран, ја презедоа контролата врз главниот град на Јемен пред девет години, што предизвика интервенција на воената коалиција предводена од Саудиска Арабија за да ја поддржи владата. Оттогаш, војната во Јемен однесе стотици илјади животи и иницираше една од најголемите хуманитарни кризи во светот во оваа најсиромашна земја на Арапскиот Полуостров.