Првата голема постројка за комбинирано производство на топлинска и електрична енергија со користење на биомаса ќе биде изградена во Србија во наредниот период, кога Меѓународната финансиска корпорација (ИФЦ) ќе ја кредитира компанијата Дреник НД д.o.o. од секторот индустрија за хартија, со 106 милиони евра, објави ИФЦ, членка на групацијата на Светска банка.

Биомасата е целосно еколошки прифатлива, се состои од органска материја од растително и животинско потекло која се распаѓа во природни процеси и испушта јаглеродни гасови, објави Нова.рс. Оваа нова фабрика ќе го поттикне производството на енергија од обновливи извори и ќе му помогне на Белград да ги намали емисиите на стакленички гасови!

Моќноста на централата е околу осум мегавати за производство на електрична енергија и 16 т/ч за производство на пареа, а ќе овозможи производниот погон во Србија наместо електрична енергија да користи биомаса и да ја намали потрошувачката на природен гас. Проектот е усогласен со Рамката за партнерство на Светска банка со Србија за периодот од 2022 до 2026 година, која предвидува поддршка за позелен и поотпорен економски раст.