Во посета на Бугарија е главниот преговарач на Албанија со ЕУ
Зеф Мази, кој е главен преговарач на Република Албанија со ЕУ, е во посета на Бугарија. Во Софија го примија бугарскиот потпретседател Илиана Јотова и министерот за правда Јанаки Стоилов. Како што јави дописникот на МИА од Софија, во фокусот на разговорот меѓу Јотова и Мази бил напредокот на Албанија на патот кон ЕУ.
Мази посочи дека Албанија е сериозно фокусирана на реформите што ги бара ЕУ. Тој се заблагодари за поддршката на Бугарија и рече дека Албанија сака да го искористи бугарското искуство.
Мази истакна дека поддршката за членството во ЕУ меѓу албанските граѓани е 92 отсто и секое понатамошно одложување ќе доведе до исцрпеност. Албанија очекува да има јасна перспектива во јуни и се надева дека ќе го стори тоа на Европскиот совет.
За време на нивниот разговор, беше дискутирано и за билатералните односи меѓу Бугарија и Северна Македонија. Имаше едногласен став, како што пренесува БНР, дека проблемите меѓу Софија и Скопје треба да се решат преку преговори меѓу двете земји, а не преку европски посредници. Зеф Мази беше примен и од министерот за правда на Бугарија Јанаки Стоилов.Двајцата разговараа за напредокот на Тирана во судските реформи. Главниот преговарач на Албанија со ЕУ и се заблагодари на Бугарија за нејзината постојана поддршка на патот на Албанија кон евроинтеграциите.Посетата на Мази на Софија е дел од неговата турнеја низ земјите-членки, каде го претстави напредокот на Албанија на патот кон ЕУ.