За време на викендот се урнал мал авион во скијачката област Касберг во Горна Австрија. Локалните медиуми јавија дека сите четворица патници и членови на екипажот се пронајдени мртви. Станува збор за авион кој требало да слета во Медулин, пренесува хрватскиот медиум Истарски.

Според платформата Авиејшон Сејфти Нетворк, станува збор за Роквел Командер 112Б кој тргнал од чешкиот град Прибрам, а целна дестинација му била Истра.

Остатоците од авионот се пронајдени во близина на планинарскиот дом Сеп Хубер. Според Истарски, околу 12 часот била започната опсежна потрага. Во потрагата учествуваа полицијата, пожарникарите, планинската спасувачка служба и Црвениот крст.

Во потрагата биле ангажирани и полициски и спасувачки хеликоптери и единица обучени кучиња.

Првите парчиња од остатоците од малиот авион со четири седишта се лоцирани околу час и половина по почетокот на потрагата, во близина на планинарскиот дом. Околу 16 часот, итните служби ги пронашле остатоците на ски-центарот покриен со снег.

Причината за несреќата се уште не е позната. Истрагата ја презеде Државната криминалистичка полиција на Горна Австрија, пишува Истарски.