Во Австрија има се повеќе незадоволни работници
Овие денови Австрија стана земја на штрајкови, бидејќи има се повеќе гранки во индустријата каде вработените престануваат да работат поради незадоволство при преговорите за нов колективен договор, односно зголемување на платите, бидејќи земјата се соочува со рекордна инфлација, објави Политика рс.
Така, вчера штрајкуваа железничарите барајќи поголемо зголемување на платите од она што го нудат работодавачите. Вработените во трговијата најавуваат штрајк, па викендов многу продавници, меѓу кои и големите синџири, би можеле да останат затворени, а тоа е во периодот кога Австријците традиционално почнуваат да се подготвуваат за купување новогодишни подароци.
Предупредувачки штрајк најавуваат и вработените во телекомуникацискиот оператор А1. Главниот преговарач на работодавачите во железничкиот сектор, Томас Шајбер, и покрај понудата за зголемување на платите за 8,44 отсто, што е добра понуда во споредба со многу други стопански гранки, повика на предупредувачки штрајк, со што беа запрени сите возови.
Работодавачите критикуваат дека Австрија се повеќе се оддалечува од социјалното партнерство кое владееше до сега, а на кое се базираа односите меѓу работодавачите и синдикатите, пренесува Танјуг.