Филипинскиот претседател Родриго Дутерте сугерира еден нов, невообичаен и контоверзен начин за да ги вакцинира луѓето кои се уште не сакаат да примат вакцина против коронавирусот. Тој тврди дека тие луѓе треба да се вакцинираат додека спијат.  

„Знам дека многумина се уште не сакаат да се вакцинираат и тие ни претставуваат проблем. Затоа, да влеземе во нивните куќи и да ги вакцинираме додека спијат. Крај на приказната”, предложи Дутерте во телевизиско обраќање, велејќи дека ќе „води акција“ против тие лица, пренесува Тасс.  

Тој посочи дека покрај имунизацијата, важно е да се носат маски и да се одржува социјална дистанца, бидејќи само тие мерки можат да го спречат ширењето на вирусот во земјата.  

President Rodrigo Duterte on Monday suggested that anti-vaxxers, or nonbelievers of vaccines, be inoculated in their sleep so the country could further ramp up its vaccination numbers. #PressOnePH https://t.co/TI9RimE9BW

— PressONE.PH (@PressOnePH) October 12, 2021

Скоро 50 милиони дози на вакцини против коронавирусот од различни производители се дадени на Филипините досега. Повеќе од 23 милиони луѓе се целосно имунизирани, а властите се надеваат дека ќе имунизираат до 70 милиони од 111,5 милионите жители до крајот на годината. 

Тој побара затворски казни за оние кои не се придржуваат кон карантин  

Дутерте претходно повика на донесување закон со кој ќе се дозволи затворска казна за оние што го прекршуваат карантинот. Тој, исто така, рече дека учесниците во масовните настани треба да одат во затвор. 

На почетокот на јуни, Дутерте рече дека оние кои се позитивни на вирусот, а ги прекршуваат мерките, заразуваат други и предизвикуваат смрт, ќе бидат обвинети за убиство. 

Досега, 2,67 милиони луѓе се заразени со ковид-19 на Филипините, од кои околу 39,600 починале.