Малата држава Лесото го пријави својот прв позитивен случај на Ковид – 19, па со тоа стана и последната држава, од вкупно 54 африкански држави, во кои е регистрирана заразата.

Министерството за здравство во Лесото соопшти денеска дека едно лице, кое неодамна допатувало во земјата, е позитивно на тестирањето на корона вирусот и во моментов е во изолација.

Лесото е држава со 2 милиони жители, потполно е обиколена со територијата на Јужноафриканската Република, која во моментов има регистрирано 11.350 заразени лица и има најголем прој потврдени случаи во Африка.

Според податоците на Африканскиот центар за контрола и превенција на болести до сега се заразени 69.500 лица и повеќе од 2.400 починале како последица на корона вирусот.