Менталното здравје многумина го занемаруваат. Психологот д-р Џули Смит одлучи на забавен начин да го промени тоа и да ги едуцира луѓето.

Таа ја искористи популарната социјална мрежа ТикТок за да им објасни на луѓето колку се чести проблемите со менталното здравје.

„Ова е најважното видео кое ќе го погледнете денеска“, изговорила Смит, држејќи чаша полна со кафеав ориз. На масата истурила 3 чаши ориз кои ги претставуваат луѓето кои никогаш нема да искусат проблем со менталното здравје.

„Дивиот ориз ги претставува другите луѓе. Менталните проблеми им се случуваат на едно од 4 лица“, додала таа.

Д-р Смит потоа го измешала оризот на масата.

„Кога имаш ментален проблем, умот те убедува дека си сам“, вели психологот.

@drjuliesmith❤️Like & share to spread this msg! follow me ##tiktokpsychologist to ##learnontiktok about ##mentalhealth ##mentalhealthawareness ##todayyearsold ##mealprep

♬ Emotional Piano Instrumental In E Minor – Tom Bailey Backing Tracks

Случајните зрна ориз ги поделила во неколку категории: семејство, пријатели, колеги.

„Менталните проблеми се природни и без разлика дали сте со семејството, пријателите или колегите, веројатно е дека во некој момент некој од нив ќе се соочи со таков проблем. Дури и ако тоа не сте вие, големи се шансите дека ќе наидете на некој кој е. Бидете љубезни“, заклучила докторката.

Видеото е прегледано над милион и пол пати, а реакциите на корисниците на ТикТок се позитивни.