Жена возела велосипед преку подвижен мост во Вест Палм, Флорида во неделата кога одеднаш мостот почнал да се крева, по што таа паднала и починала на лице место, пренесуваат американските медиуми.

Инцидентот се случил околу 13 часот. Жената, која сè уште не е идентификувана, се движела преку мостот возејќи велосипед и била на неколку метри од неговиот крај кога тој почнал да се крева.

„Починала на лице место“

Портпаролот на полициската станица во Вест Палм, Мајк Јахлес, изјави дека жената се обидела да се спаси и се задржала на мостот.

„Во близина имало случаен минувач кој се обидел да и помогне, но таа за жал трагично паднала на бетонот. Таа починала на лице место“, изјави Јахлес.

Полицијата истражува зошто мостот почнал да се крева додека на него се уште имало пешаци.