Заборавете на океанот, морето, водата. Во градот Ибусуки, Јапонија, сè е поврзано со песок, а песокот е на прво место.

Во земјата на изгрејсонцето, самураите и покемоните, сè е поинаку, па таков е случајот и со капењето.

Плажите во градот Ибусуки се наоѓаат во област позната по вулканска активност, па со право се нарекуваат центар и жариште на геотермалната активност. Јапонците повеќе од 300 години се на овие плажи во потрага по лековитите својства на песокот, кој прави чуда со својата топлина од 55 степени Целзиусови и составот од вулкански карпи.

Овој песок денес освен за лекување, се користи и во третмани за убавина, хидратација на кожата, каде вулканските испарувања од песокот ја враќаат свежината и младоста на телото. Покрај плажата има бројни спа центри и хотели кои својот бизнис го засновале на користење на овие природни својства на песокот, па не е чудно што гордо и љубоморно ги штитат и одржуваат овие ресурси. Секој од хотелите или спа центрите поседува дел од плажата што е згрижен, а престојот е дозволен и за гостите на хотелот и за сите останати посетители.

Како се користат сите потенцијали што ги нуди овој песок? Многу едноставно, одите на плажа, мора да носите традиционално кимоно (костими за капење не се дозволени), чадор за да се заштитите од сонцето и пешкир. Се друго е индивидуално, изберете место, и едноставно опуштете се и легнете, а за останатото ќе се погрижи персоналот. Ќе ти врзат крпа околу главата за да спречат темниот вулкански песок да заврши на лицата на гостите, а тие буквално ќе ве закопаат со лопата.

Третманот трае до 20 минути, по што гостите се почестуваат со туширање, па врвното искуство – капење во топли вулкански извори, по што се препорачува одмор.