ВИДЕО: За една недела издадени 13.676 решенија за изолација поради ковид-19
Во периодот од 9. до 15. ноември шесте инспекторати извршиле вкупно 4.822 контроли, соопшти претседателката на Инспекцискиот совет, Магдалена Филиповска-Грашкоска.
-Државниот здравствен и санитарен инспекторат изврши 80 надзори при што се издадени 6 решенија. Исто така ДЗСИ издаде и 13.676 решенија за изолација на лица заболени или што биле во контакт со заболен. Државниот пазарен инспекторат во истиот период изврши 3.068 контроли и 619 надзори на угостителски објекти како кафетерии и ресторани во однос на почитувањето на Законот за заштита на населението од заразни болести. Притоа пазарниот инспекторат поднесе 31 прекршочна пријава како и 2 забрани за вршење на дејност, соопшти Филиповска -Грашковска.
Таа појасни дека станува збор за еден угостителски објект во Гостивар кој работел по 21 часот, и еден во Охрид каде не се почитувало ограничувањето од 4 лица на една маса. И двата објекти освен тоа што се затворени, добиле и парични казни.