Како што продолжува одбројувањето до 135-ата Парада на розите на 1 јануари 2024 година, последната фаза од украсувањето со прекрасните цветови што ќе ги красат улиците на Пасадена е во полн ек. Компанијата за украсување „Феникс“ (Phoenix), една од групите длабоко вклучени во овој процес, ги отвори вратите во Ирвиндејл за волонтери кои сакаат да бидат дел од оваа негувана традиција, пишува „Јахоо“.

Милиони цвеќиња и околу 10.000 часа работа биле потребни за годишната Парада на розите, што се одржува во Ирвиндејл, град во долината Сан Габриел, во округот Лос Анџелес, Калифорнија на 1 јануари.

Овогодинешната тема го слави светот преку музиката. За многу постари волонтери, ова претставува уникатно искуство и дружење бидејќи имаат можност да учествуваат на оваа прекрасна церемонија.

Како и секогаш, волонтерите играат клучна улога во оживување на овие прекрасни креации.

Чак Хејс, претставник за односи со спонзори во компанијата за украсување „Феникс“, рече дека волонтерите почнале да поставуваат исушени цветови додека подготовките за пристигнувањето на свежото цвеќе во вторник биле во тек.

„За мене тоа е како џиновско семејно обединување. Плус, можеме да создадеме ефемерно уметничко дело кое е таму еден или два дена, а потоа го нема и целиот труд што се вложува во него е само труд на љубовта“, изјавил Боб Деармонд, супервизор на „Float“.