Фудбалерите на Верона забележаа победа на гостувањето кај Удинезе со 1:0 во натпреварот од 29. коло на италијанската лига.

Стрелец на победничкиот гол беше Ондреј Дуда во 72 минута. Верона е на 14 место со 29 бодови, а Удинезе е на 10 позиција со 40 бодови.

Во следното коло Верона ќе ја пречека Парма, додека Удинезе ќе му гостува на Интер во Милано.

Монца и Парма одиграа нерешено 1:1, домаќинот поведе со голот на Армандо Иза во 60 минута, а Анже-Жоан Бони израмни за гостинот со голот во 84 минута.

Монца е на последното 20 место на табелата во Серија А со 15 бодови, а Парма е на 17 место со 10 бодови повеќе. Монца во следното коло ќе игра против Каљари.