Најмалку 53 лица, главно мигранти од Централна Америка, загинале откако камион со приколка што ги превезувал се превртел во јужниот дел на Мексико.

Според Ројтерс, ова е една од најтешките несреќи што ги снашле мигрантите, кои ги ризикувале своите животи за да стигнат до САД.

Приколката на камионот се отворила, а мигрантите испаднале од неа откако камионот изгубил контрола во острата кривина надвор од градот Тукстала Гутиерез во мексиканската држава Чиапас, се вели во видеото објавено од властите за цивилна заштита.

Државното обвинителство соопшти дека загинале 53 лица

Неколку десетици луѓе се повредени и пренесени во болниците во Чиапас, која граничи со Гватемала.

Повеќе од 100 луѓе патувале во приколката, соопштија властите.

Сликите на Ројтерс покажуваат превртена бела приколка на автопатот, со повредени луѓе расфрлани по земјата.

На снимката се гледаат и редови од нешто што личи на телата на жртвите завиткани во бела ткаенина.

Меѓу загинатите има мажи, жени и деца, соопшти владата на Чиапас, а мексиканскиот претседател Андрес Мануел Лопез Обрадор ја изрази својата тага на Твитер поради „многу болниот“ инцидент.

WARNING: GRAPHIC CONTENT – At least 53 mostly Central Americans were killed when the truck they were in flipped over in southern Mexico, in one of the worst accidents to befall migrants risking their lives to reach the United States https://t.co/hmaDYEg9TR pic.twitter.com/V19sAvqxd2

— Reuters (@Reuters) December 10, 2021