Третото коло во Премиер лигата е отворено во Лондон, и тоа со победа на Тотенхем над екипата на Вулверхемптон со резултат 1:0.

Единствениот гол беше реализиран во 64 минута, а стрелец за екипата на Антонио Конте беше англискиот репрезентативец Хари Кејн.

Тоа беше 250 гол за Кејн во дресот на Тотенхем вклучувајќи ги сите официјални натпревари, а напаѓачот исто така испиша историја во Премиер лигата постигнувајќи го 185 гол за еден клуб.

До сега беше израмнет со Кун Агуеро кој за Манчестер сити постигна еден гол помалку.

Тотенхем го освои седмиот бод од можните девет после првите три кола, додека Вулвси останаа на еден освоен бод.