По втор пат за помалку од еден месец, туристка е фатена како чкрта на една од најпознатите историски атракции во Италија. Тинејџерка од Швајцарија е последниот престапник што е фатен од локален туристички водич како го врежа своето име во антички амфитеатар.

Водичот успеал да ја сними девојката (17) како ја пишува буквата Н на ѕидот на Колосеумот. „Ова е прв пат да успеам да снимам вандалски чин во Колосеумот, но за шест години видов десетици, има и такви кои кршат делови од ѕидот“, изјави Дејвид Батаглино за „Република Рома“. „Еднаш дури ме нападнаа дека сум искарал момче“.

Nuovo sfregio al Colosseo, una turista svizzera incide le sue iniziali: rischia il carcere e una maximulta. E' stata filmata da una guida e denunciata #ANSA https://t.co/LwYpfzyrdK pic.twitter.com/ZptKpOD1Db

— Agenzia ANSA (@Agenzia_Ansa) July 15, 2023

Откако Батаглино го пријавил вандалскиот чин во Колосеумот, полицијата наводно ги испрашувала тинејџерката и нејзините родители. Тој изјавил дека родителите на девојчето го оправдале нејзиното однесување велејќи: „таа е само дете, ништо лошо не направила“.

Италијанските медиуми јавуваат дека семејството се соочува со парична казна од 15.000 евра, што е максималната сума одредена во таа земја за вандализирање на историското наследство. Оваа вест доаѓа само неколку недели откако маж беше фатен како го вандализира Колосеумот кон крајот на јуни. Турист од Обединетото Кралство предизвика големо негодување со тоа што го издлаби името на својата девојка на античкиот камен.

ВИДЕО | Турист фатен како со клуч чкрта на ѕидот на Колосеумот, Италијанците гневни