Двајца руски туристи беа приведени во Истанбул откако на социјалните мрежи се појави видео на кое се гледа како се фотографираат и се бакнуваат во близина на најголемата џамија во Турција, Буџук Џамлија. Видеото го снимил локален жител, по што обвинителството започна истрага.

🇹🇷 Russian tourists in Istanbul may face jail for kissing in a mosque

A couple from Russia came on vacation and decided to visit the Çamlıca Mosque. In the inner courtyard, they hugged and kissed — provoking strong outrage from local residents.

Police detained the tourists, and… pic.twitter.com/zcQ2Rof6N7

— NEXTA (@nexta_tv) September 6, 2025

Според турските медиуми, полицијата го идентификувала парот и го привела на сослушување. Момчето изјавило дека не знаело дека бакнувањето во близина на џамијата е забрането и претставува кривично дело, додавајќи дека никогаш не би го сторил тоа доколку бил свесен за законот. Тој исто така јавно се извинил.

Сепак, обвинителството подготви обвинение според членот за „јавно навредување на религиозни вредности“, за што е предвидена казна од шест месеци до една година затвор. Турските медиуми известуваат дека случајот веќе е упатен до судот.

Рускиот генерален конзулат во Истанбул потврди дека парот бил приведен, но дека биле ослободени по давање изјава. Според руски извори, туристите оттогаш ја напуштиле Турција.

Според исламските канони, бакнувањето, прегрнувањето и држењето за раце се забранети во и во непосредна близина на џамијата, дури и меѓу сопружници.