Денеска во заостанат натпревар од четвртото коло во најсилното хрватско првенство составот на Динамо Загреб славеше на гостувањето кај Истра 1961 со резултат 0:2.

Стрелец на првиот гол за „модрите“ беше Гојак во 10. минута од средбата после асистенцијата на Иванушец.

Конечниот епилог го постави македонскиот репрезентативец Стефан Ристовски (негов прв погодок сезонава во дресот на Динамо) пред самиот финиш од средбата (90+8`) стрелајќи во празната мрежа додека Истра се обидуваше да израмни.

Ристовски ја одигра целата средба, додека за гостите стартер беше и Аријан Адеми кој настапи до 66. минута.

Пред голот на Ристовски, во редовите на загрепскиот гигант имаше два црвени картони (Теофил-Катерин и Петковиќ), а кај домаќините еден кој го доби Лучиќ.

На табелата Динамо е на второто место со 37 бодови (колку и третопласираната Риека), два помалку од водечкиот Осиек кој има меч помалку.