Ако сакате да направите вкусна и брза закуска за грицкање, го имаме вистинскиот рецепт за вас.

Солените стапчиња полнети со сирење и ајвар ќе ги остават сите без зборови.

Ваков деликатес не можете да најдете во пекарниците. Пробајте и уверете се сами!

Состојки:

– 200 мл млеко
– 2 лажици масло
– 10 г квасец
– 1 лажичка шеќер
– 300-350 г брашно
– 100 г сирење
– 3 жолчки
– 2 лажички ајвар

Подготовка:

Во млако млеко издробете го квасецот, додадете шеќер, па кога ќе стане пенесто, додадете брашно, масло и малку сол и замесете мазно тесто.

Оставете го да отстои 30 минути, па со сукало развлечете го во правоаголник. Сирењето издробете го, додадете ги жолчките и изедначете со мешање. Смесата поделете ја на два дела.

Во едниот дел додадете 2 лажички ајвар и измешајте.

На долната половина од тестото додадете лента од сирењето, па лента со ајварот и така до крај. Покријте со горниот дел од тестото, притиснете со раце и малку расукајте со сукалото.

Исечете на ленти и завиткајте ги. Редете во плех претходно подмачкан со масло. Покријте ги да нараснат малку, премачкајте ги со жолчка и посипете со сусам, ким и крупна сол. Печете на 200 степени околу 25-30 минути.