ВИДЕО: Рапсодија на битолски начин, Е. Пелистер моќно против унгарската Татабања
Денеска во рамките од четвртото коло во Лигата на Европа екипата на Е. Пелистер триумфираше убедливо над Татабања од Унгарија со резултат 33:20 (17:9).
Препорачано
Тоа беше втор триумф во групата „Д“ за битолчани за моментно прво место со пет бодови, а вечерва од 20.45 часот треба да се одиграат уште два меча Кадетен – Ним и Спортинг – АЕК.
Натпреварот започна со едноминутно молчење во чест кон трагично загинатите лица во страотната сообраќајна несреќа која се случи утрово во Бугарија.
Ваквиот убедлив резултат не се најавуваше барем во првите 10 минути гостите водеа двапати минимално со 0:1 и 3:4. На истекот од 10 минута Ојлески донесе нова минимална позитива од 5:4, па возврати Здолик и тоа беше последен пат во кој тимовите беа во егал.
Some lovely space created here for Mateo Maraš! Up, bang and in! ?? #EurofarmPelister #ehfel pic.twitter.com/d1bTEKDJ9f
— EHF European League (@ehfel_official) November 23, 2021
Од тој момент играчите на Жељко Бабиќ беа многу подобри, со цврста одбрана и сигурен напад направија серија од 4:0 во 15 минута (9:5).
Сунајко во 20 минута намали на 11:7, по што следуваше уште поголема низа на погодоци на домаќините која практично го разби противникот и ги најавуваше новите бодови на Е. Пелистер оваа сезона во Лигата на Европа.
Серија од пет голови реализирани двапати преку Божиќ-Павлетиќ, и по еднаш преку Ојлески, Табоада и Мандалиниќ за високи 16:7 на семафорот.
Márton Székely is doing what he can but #Tatabanya have been outclassed so far #ehfcl pic.twitter.com/MnIKmMHi5Z
— EHF European League (@ehfel_official) November 23, 2021
На стартот од вториот дел македонскиот претставник стигна за првпат и до двоцифрена разлика (20:10), Унгарците целосно разбиени тешко доаѓаа до реализација во мрежата на Секели.
Највисоката предност на битолскиот тим растеше до „плус 15“ (26:11, 27:12, 28:13, 29:14..), до крајот само рутински се одработуваше задачата во досега најдобрата партија на Е. Пелистер во ова натпреварување.
Кај стрелците со шест погодоци прв стрелец беше Мараш, по пет имаат Периќ и Табоада, а на спротивната страна шест голови беа дело на Хорњак.
View this post on Instagram
Во следното петто коло Е. Пелистер на 30 ноември ќе гостува во Португалија кај составот на Спортинг.
Лига Европа, 4. коло
Група „Д“
Е. Пелистер – Татабања 33:20
20.45 часот Кадетен – Ним
20.45 часот Спортинг – АЕК
Табела:
1. Е. Пелистер 5 бодови
2. Ним 4
3. Спортинг 4
4. АЕК 4
5. Татабања 2
6. Кадетен 1
