Нетфликс ја објави првата најава за претстојниот филм „Maestro“ за легендарниот американски композитор Леонард Бернштајн.

Во главната улога ќе го видиме актерот Бредли Купер, кој, исто така, е режисер и сценарист на филмот. Меѓу продуцентите на филмот се Мартин Скорсезе и Стивен Спилберг.

Филмот „Maestro“ го следи животот и делото на Леонард Бернштајн, кој е најпознат по мјузиклот „West Side Story“. Главниот фокус е на неговиот брак со Фелисија Монтеалегре, која ја игра актерката Кери Малиган.

Нетфликс го опиша филмот како „љубовно писмо до животот и уметноста“ и „емотивен епски приказ на семејството и љубовта“.

Покрај Купер и Малиган, во филмот ќе играат и Мет Бомер, Маја Хоук, Сара Силверман, Мајкл Ури, Гидеон Глик, Сем Нивола, Миријам Шор и Алекса Свинтон.

Филмот ќе им биде достапен на корисниците на Нетфликс од 2 септември годинава.

Бредли Купер откри дека бил зависник: Бев толку изгубен…