Стотици демонстранти кои бараа прекин на огнот меѓу Израел и Хамас ги принудија властите да го затворат терминалот Гранд Централ, еден од главните транзитни центри во Њујорк, соопшти Метрополитен транспортната управа (МТА).

„Гранд централ е затворен до понатамошно известување поради протестот“, објави МТА на својата веб-страница, повикувајќи ги патниците да користат алтернативни станици и да планираат дополнително време за патување.

Сликите на социјалните мрежи покажаа демонстранти како излегуваат од железничката станица на 42-та улица во центарот на Менхетен.

🇺🇸🇵🇸 Jewish Pro-Palestinian protesters have organised a rally at Grand Central Station. pic.twitter.com/prfl4dVpld

— Censored Men (@CensoredMen) October 27, 2023

„Тагувајте за мртвите, но борете се до крај за живите“, пишуваше на еден транспарент поставен внатре во зградата.

Протестите беа организирани од група наречена Еврејски глас за мир, објави Њујорк Тајмс.

Вчера израелската армија ги прошири воздушните и копнените напади врз палестинската енклава Газа. Хамас, палестинската милитантна група која владее со Газа, рече дека нејзините борци се подготвени да се соочат со израелските напади „со полна сила“.