Дали Камала Харис свесно ја избрала својата облека пред три и пол години или „Симпсонови“ повторно ја предвидоа иднината?

Како што се зборува низ интернет заедницата постојат сличности помеѓу ликот на Лиза Симпсон како претседателка на САД и Камала Харис кој се стреми кон истата функција.

Заплетот на епизодата која се емитуваше во 2000 година им „привлече око“ на гледачите, а се случува во 2030 година, кога Лиза се опишува себеси како „првата хетеросексуална претседателка во Америка“, која наследила „многу помал буџет од претседателот Трамп“, пишува „ЦБС“.

The Simpsons already knew this in 2000?#BidenDroppedOut pic.twitter.com/ggyEXRs2T7

— Sarcasm (@sarcastic_us) July 22, 2024

Во епизодата насловена „Барт во иднината“, Лиза носи виолетово одело и бисери кои се чудно слични на она што Камала го носеше кога беше инаугурирана за потпретседателка.

Сценаристот Ал Џин ја објави споредбата на социјалните мрежи во неделата, набргу откако Бајден објави дека се откажува од претседателската трка.

„Предвидување на ‘Симпсонови’, горд што сум дел од ова“, напиша Џин, споделувајќи слики од Лиза и Харис кои се облечени една до друга во неверојатно слична облека.

.@TheSimpsons “prediction” I’m proud to be a part of. pic.twitter.com/ZvkqotRpsn

— Al Jean (@AlJean) July 21, 2024

Ден Грини, кој ја напиша епизодата, во интервју во 2016 година рече дека заплетот го замислил како „предупредување за Америка“.

Неколку други корисници на социјалните мрежи укажаа на ова „предвидување“ во текот на викендот, при што едно лице напиша: „Симпсонови како пророци станаа една од најтрајните мистерии на нашето време“.

ВИДЕО | „Времињата се сменија“: Една од најчестите сцени од серијата „Симпсонови“ заминува во историјата