Жестоки протести организирани од француските синдикати и денеска, на Први мај, ја вжештија атмосферата во Париз – демонстрантите се судрија со полицијата, а на улиците на главниот град на Франција гореа автомобили. Стотици излози на продавници во центарот на градот се скршени.

Според информациите кои ги сподели полицијата, на демонстрациите во Париз се повредени 108 нејзини припадници, а уапсени се околу 300 луѓе.

#Paris, la situation est toujours tendue sur la place de la nation. La police à est débordée. #1erMai #fetedutravail #ReformeDesRetraites #manifs1ermai #manifestation #manifestations #manif1ermai pic.twitter.com/6JwRw1LtoW

— Jules Ravel (@JulesRavel1) May 1, 2023

На едно од видеата објавени на социјалните мрежи се гледа како полициски специјалец е обвиен во оган од „молотовите коктели“ на демонстрантите, а неколкумина негови колеги се обидуваат да го изгасат огнот.

MAY DAY PROTEST: Police on fire in Parispic.twitter.com/Mu1rN1H3u2

— Insider Paper (@TheInsiderPaper) May 1, 2023

На други снимки, пак, се гледа жестокиот одговор на француската полиција:

⚡️Police violently attack protesters in France pic.twitter.com/4vymw9wwiW

— War Monitor (@WarMonitors) May 1, 2023

„Овој 1 мај ќе биде пресвртница“, рече Софи Бине, лидер на левичарскиот синдикат Се-Зе-Те, надевајќи се дека повеќе од еден милион луѓе ќе се соберат на плоштадите.

Таа посочи дека работниците нема да продолжат да работат додека не се повлече контроверзната пензиска реформа која ја форсира претседателот Емануел Макрон.

Одлуката да се зголеми старосната граница за пензионирање за две години, од 62 на 64 години, го чинеше Макрон многу – популарноста му падна на најниско ниво од протестите на „жолтите елеци“.