Јужнокорејскиот информативен канал ИТН (YTN) повикувајќи се на неименувани владини претставници објави дека севернокорејскиот лидер Ким Џонг-ун најверојатно се упатил кон Русија, каде ќе се сретне со претседателот Владимир Путин.

Според достапните информации Ким се упатил кон североисточната граница на Северна Кореја со посебен воз, а средбата со Путин би требало да се одржи најрано утре.

(LEAD) N. Korean leader Kim Jong-un's special train appears to have departed for Russia: gov't official https://t.co/f7UocyEUup

— Yonhap News Agency (@YonhapNews) September 11, 2023

ИТН претходно објави дека средбата Ким – Путин се очекува на 13 септември.

Додека руските медиуми објавија дека се „следните денови“ се очекува Ким да го посети Далечен Исток.

Доколку се одржи средбата, тоа ќе биде прва посета на Ким во странство по повеќе од четири години и прва по пандемијата на Ковид-19.

Последната посета на Ким на Владивосток беше во 2019 година, на првиот самит со Путин, откако пропаднаа преговорите со поранешниот американски претседател Доналд Трамп за откажувањето на Северна Кореја од нејзината нуклеарна програма.

North Korean leader Kim Jong Un is expected to visit Russia's far-eastern port city of Vladivostok by armored train this month to meet President Vladimir Putin. Does Kim Jong Un always travel by train? https://t.co/3vCdsr2bYs pic.twitter.com/5b3rjgADTk

— Reuters (@Reuters) September 6, 2023