ВИДЕО: Од Мариупол исплови брод натоварен со метал, следен од руски воен брод на Црноморската флота
Првиот брод, откако руските сили го зазедоа украинскиот Мариупол, денеска исплови од пристаништето.
Бродот натоварен со метал го напуштил пристаништето, придружуван од артилерија на руската Црноморска флота и патролни антидиверзантски чамци, се наведува во соопштението.
Планирано е бродот да достави товар до Ростов на Дон.
Портпаролот на пристаништето во Мариупол, минатата недела изјави дека бродот е натоварен со 2.700 тони метал. Според украинските власти, Русија го украла металот од Украина.
NEWS here in Moscow
Goods ships starting to move in Mariupol ports which is now under the control of Russia
Russia will be able to export wheat/grain as Europe is running out of food, store shelves getting empty
Condition from Russia: EU must lift sanctions pic.twitter.com/x34v7P3ie6
— Sphithiphithi Evaluator (@_AfricanSoil) May 31, 2022
Претходно претставник на управата на пристаништето за ТАСС изјави дека е отворена и подготвена да прифаќа бродови, што официјален Киев го опиша како „грабеж“.
Продолжува грабежот на привремено окупираните територии на Украина. По кражбата на украинското жито, окупаторите прибегнаа кон извоз на метални производи од Мариупол – обвини владата во Киев.