Репортерката на Ен-Би-Си, Тори Јорги, се соочи со несекојдневен настан додека известуваше во живо. Таа при обраќањето во живо беше удрена од автомобил, а луѓето на социјалните мрежи ја поздравија нејзината храброст и професионалност, откако веднаш по ударот таа стана и продолжи да го држи својот говор.

На снимката може да се види како автомобилот во движење удира во младата Тори. По ударот неколку моменти ја снема репортерката од кадарот, а водителот во студиото изгледаше загрижен обидувајќи се да разбере што се случило.

"We're good, Tim." pic.twitter.com/9kn2YElDLK

— Timothy Burke (@bubbaprog) January 20, 2022

Потоа, по неколку моменти, Тори повторно се појави пред камера и продолжи да известува како ништо да не се случило.

„Се е добро, сите сме добри“, повтори новинарката обидувајќи се да го смири шокираниот возач.

„Ова е мојата последна недела на работа, па секако дека ова се случи“, заклучила таа.