Во фокусот се случувањата е она што се случуваше на македонската политичка сцена и во Парламентот околу гласањето недоверба на Владата, што не се случи затоа што не се обезбеди кворум поради отсуството на пратеникот Кастриот Реџепи, аналитичарот Џелал Незири од Центарот за истражување во новинарството СКУП вели дека не верува оти пратеникот Реџепи бил киднапиран како што се зборуваше.

-Не верувам дека бил киднапиран. Неговата позиција е тешка. Најверојатно не бил задоволен од одлуката на Беса да се гласа недоверба на владата. Беса беше дел од Влада која работи да ја внесе државата во ЕУ. Неговиот потег беше клучен за да нема гласање за недоверба. Мислам дека тој заврши со таа партија. Беса од денес треба да се смета за опозициска партија. Сѐ е јасно. Она што треба да се разбистри е како Владата ќе функционира без трите пратеника на Беса. Ако се очекува дека и Реџепи ќе се приклучи на Владата тогаш пак нема да има доволно пратеници за да функционира мнозинствтото, вели Незири.

Ако се приклучи Алтернатива, како што се зборува, тогаш владиното мнозинство ќе биде 63 или 64 пратеника, оттука чудно е што Беса премина во опозицискиот табор.

-Резултатите од локалните избори ја окуражија партијата да стане автономна, односно да дејствува вон коалицијата преку која и обезбеди пратеници. Со изборот на Касами за градоначалник на Тетово, Беса сега остана со три пратеника. Тие сметале дека нивниот пат е подобар со опозициските партии. Освен тоа клучни за победата на Касами беа гласовите на Алијанса и ВМРО-ДПМНЕ, вели Незири.

Лидерот на Левица, Димитар Апасиев вчера пред Собранието изјави дека ќе следува радикализација, па нејасно е што се подразбира со тоа бидејќи Апасиев не појасни.

-Радикализација во смисла дека опозиција повеќе нема во Собранието. Ако опстојат на тоа, ќе следуваат блокади на собранието и протести. Ако не се обезбеди стабилно мнозинство, опозицијата ќе продолжи да настојува да ја урне Владата и да оди на брзи парламентарни избори. Треба да видиме колку ќе бидат успешни преговорите во следните денови. Со Алтернатива овој состав има доволен број да го истера мандатот до крај, вели Незири.

Вчера пратеници од опозицијата кои се во изолација поради ковид дојдоа во Собранието со скафандери. Поради иста причина, кога со скафандери пред седум месеци дојдоа пратеници од позицијата, Апасиев поднесе кривични пријави за биотероризам и против пратениците од позицијата и против претседателот на парламентот Талат Џафери затоа што го дозволил тоа.

-Кај нас нема принципи и константа во политичкото делување. Тоа е синдром на нашата политичка сцена. Меѓународниот фактор е навикнат дека нашите политичари лесно ги менуваат ставовите, но и дека знаат да не го почитуваат договореното. Затоа и паѓа бројот на гласачи што излегуваат на избори, коментира Незири.

Во врска со започнувањето на преговори во декември, откако се надмина пречката со Грција остана блокадата на Бугарија.

-Шансите за договор зависат од тоа каков ќе биде исходот од изборите во Бугарија. Според анкетите води ГЕРБ на Бојко Борисов и тоа е еден вид сигнал и извор на надеж дека најверојатно со влада на чело со Борисов полесно би се постигнал договор со Македонија. Од друга страна самиот наратив на ВМРО-ДПМНЕ е негирање на сите овие процеси на договори што поттикна страв кај странците дека ќе се преиспитаат договорите и може да се поништат со што со поништување на Преспанскиот договор автоматски престанува нашето членство во НАТО. Оттука се надевам дека ќе се надмине и последната пречка кон ЕУ, договор со Бугарија со оваа влада, вели Незири за Утрински брифинг.

Проследете го целиот разговор во видеото