ВИДЕО| Најмалку седуммина повредени во престрелка за време на градска парада во Бостон
Најмалку седум лица се повредени во пукање за време на карипска парада во бостонскиот кварт Дорчестер, соопшти денеска полицијата.
Повредените биле пренесени во локалните болници. Тие имаат повреди кои не се опасни по живот, а неколку лица се уапсени и пронајдено е огнено оружје, изјави наредникот на бостонската полиција Џон Бојл.
Пукањето се случило за време на парадата Жувер, која е дел од градскиот карипски карневал. Полицијата соопшти дека дојавите за пукањето почнале да пристигнуваат околу 7:45 часот по локално време.
„Денешното масовно пукање ја нагласува кризата со оруженото насилство со која се соочуваме. Ова е вонредна состојба за јавното здравје и јавната безбедност“, рече претседателот на Градскиот совет на Бостон, Ед Флин.
Boston police say arrests have been made and firearms recovered after shooting at Caribbean Festival in Dorchester, Boston. https://t.co/k43JGKbMSG
— 南洋辉叔 Uncle Hui (@alexcmhwee) August 26, 2023
Пукањето се случило на почетокот на прославата на 50-годишнината од карневалските поворки во Бостон.
Boston police say seven people were shot during the Boston Caribbean Carnival J’ouvert parade in Dorchester this morning. The shooting scene is also near a local Boys & Girls Club. https://t.co/fZ0CpZKFAk pic.twitter.com/MiGjaJZ42C
— WCVB-TV Boston (@WCVB) August 26, 2023
