Во најинтересниот натпревар од 17 коло во Серија А на стадионот „Сан Сиро“ ремизираа екипите на Милан и Рома со резултат 2:2.

Водеа „росонерите“ со голот на Калулу од 30 минута по асистенцијата на Тонали, а во 77 минута за 2:0 се погрижи Побега, а асистент беше Леао.

Сите помислија дека миланскиот клуб сигурно ќе дојде до триумфот, но тоа не го дозволи римската „волчица“. Во 87 минута гостите намалија преку Ибанез по асистенцијата на Пелегрини, а во 93 минута Ејбрахам донесе бод за Рома.

Составот на Жозе Мурињо по четвртото реми сезонава е на шестото место со 31 бод, колку што има и петтопласираниот Лацио.

Милан е на третото место со 37 бодови, колку и Јувентус на втората позиција, а водечки останува Наполи со 44 бодови. Елиф Елмас беше стрелец за „наполитанците“ во гостинската победа над Сампдорија (0:2).