За време на нејзиното прво гостување во поткастот „Шоуто на Џејми Керн Лима“, Меган Маркл за првпат проговори за тешките почетоци на нејзината врска со принцот Хари.

За време на епизодата, која се емитуваше во понеделник, Меган Маркл призна како тие се скарале по само шест месеци врска.

„На почетокот, сè е прекрасно и имаш пеперутки во стомакот, но потоа многу брзо влеговме во конфликти“, рече таа.

„Сè започна од никаде, и тоа по само шест месеци врска. Па сега, седум години подоцна, кога имате малку простор да дишете, можете да уживате еден во друг на нов начин. И затоа чувствувам дека сега повторно ни пристигна периодот на меден месец“, додаде Меган.

Оваа епизода привлече огромно внимание бидејќи беше првпат Меган да биде гостинка на поткаст, во опуштена, интимна средина, без шминка и гламур, покажувајќи ја со тоа својата ранливост, но и својата автентичност.

Во најавата на самиот поткаст, Меган ги брише солзите од лицето, нагласувајќи зошто е добро да се биде без шминка:

„Не го очекував ова. Ова е толку убаво и затоа е добро да не носите шминка“, рече сопругата на принцот Хари.