Синоќа се одржа доделувањето на „Ем-ти-ви“ видео музичките награди, каде што најважната награда на вечерта Video Vanguard, отиде во рацете на легендарната пејачка Мараја Кери.

Мараја не се појави на црвениот тепих како другите колешки, туку застана на сцената во златно трико со накит вреден 10 милиони долари.

Петкратната добитничка на Греми носеше дијамантски ѓердан од 204,38 карати „Rosée Éternelle“ и соодветни висечки обетки од брендот „Левума“ вредни неверојатни 10 милиони долари, како што брендот сподели со „Пејџ сикс“ во соопштението за печатот.

Кери носела и неколку дијамантски белегзии, вклучувајќи ја белегзијата „Etho Maria“ од 72,15 карати, а еден ден откако пееше на сцената, сите зборуваат за еден момент од настапот.

Во текот на настапот Мараја во еден момент требало да и удри „шлаканица“ на танчарката што ја глумела Бјанка од нејзиниот музички спот за песната „Heartbreaker“, но таа само безуспешно „мафтала во воздух#. Ова многу ја насмеало публиката и предизвика лавина од коментари на социјалните мрежи.

Погледнете го целиот настап на Мараја Кери на доделувањето на наградите на „Ем-ти-ви“, како и моментот за кој сите зборуваат:

ФОТО+ВИДЕО | Триумф на Лејди Гага и Аријана Гранде на доделувањето на „Ем-ти-ви“ видео музичките награди