Голема контроверзија избувна на социјалните медиуми откако американска манекенка со тајванско потекло тврдеше дека познат дизајнер дигитално ја изменил нејзината фотографија од модна ревија, за да има посветла боја на кожата, пишува „Гардијан“.

Манекенката Шерин Ву во видеото што го сподели на ТикТок зборуваше за инцидентот и рече дека работата е крајно дехуманизирачка. Видеото набрзо стана вирално и собра повеќе од 1 милион прегледи во последната недела.

Младата Шерин тврди дека дизајнерот Мајкл Костело, кој има репутација дека работи со познати личности како Селин Дион, Џенифер Лопез и Бијонсе, објавил фотографија од неодамнешната модна ревија во Лос Анџелес на својот Инстаграм. Таа е сликана како носи стилски црн фустан со кој дебитирала на пистата, но се забележува дека нејзиното лице е изменето за да изгледа бела.

Во изјава објавена на Инстаграм од дизајнерот Костело, која била отстранета во рок од 24 часа, тој ги негирал наводите за промена на фотографијата на Шерин. Додал дека фотографијата му била испратена од неодреден извор, но сепак ја признал одговорноста за нејзиното споделување.

Инаку, Шерин која има само 21 година, е независна манекенка и таа во светот на модата се промовира и преку мали работни ангажмани. Манекенката додаде дека не добила плата за ревијата, која се одржала за време на „Арт Хартс“, модна младост во Лос Анџелес.

Како што таа вели за нејзе не е голем проблем доколку не е платена, сè додека ѝ се прикажува лицето. Додала дека во овој случај очекувала да биде платена бидејќи нејзиното лице во суштина било прикажано. Сепак, знае дека нема да добие хонорар, зошто на фотографијата нејзиното лице е уредено со помош на вештачката интелигенција.

По предупредувањето за отпочнување правна постапка на Костело како одговор на нејзиното вирално видео на ТикТок, Шерин се обратила до организација која се залага за правата на професионалците од модната индустрија, која потоа ја поврзала со правен застапник.

Инаку, ова не е прва контроверзност поврзана со името на дизајнерот Мајкл Костело. Во 2021 година, Криси Тајген, модел и автор на книги за готвење, се соочи со обвинувања за малтретирање. Костело споделувајќи „принтскрин“ преку Инстаграм од наводниот разговор со Тејген, поради кој ја обвини дека бил „трауматизиран, депресивен“ и со „мисли за самоубиство“.

По таа објава, Костело беше обвинет за сексуално вознемирување, расизам и засрамување на телото, а Тајген изјави дека „принтскринтовите“ се изменети и лажни.

Во продолжение погледнете го видеото:

@shereenwu Michael Costello has yet to take responsibility for his actions. I want to explain what happened, and I hope other models in the future feel comfortable to speak up. He has since offered to post my photo side by side with the AI one, but has not voluntarily post it. This offer did not contain an apology, and only happened after a model who’s close with him brought light to the situation. Some points I couldn’t fit: -Replaced the face of a model from the same collection -Lightened the skin of a black model in a photo and proceeded to push blame on the makeup artist (mua did not lighten the skin) -Screamed at models backstage (he screamed at the girl who stumbled on the runway to near tears, only to make an Instagram post praising her after.) But considering how long he’s been acting like this, I doubt any apology from him would be sincere; they would be performative at best. (Sorry for the weird cuts and sped up video I was trying to fit as much as I can in) #michaelcostello #greenscreenvideo #drama #michaelcostellocontroversy ♬ original sound – shereenwu