Фудбалерите на Манчестер сити во полуфиналето на Светското клупско првенство ја совладаа јапонската екипа на Урава на теренот во Џеда со резултат 3:0.

После првото полувреме европскиот првак имаше позитива благодарение на автоголот на Хоибратен непосредно пред паузата (45+1`).

На стартот од второто полувреме предноста на „граѓаните“ ја зголеми Ковачиќ по асистенцијата на Вокер, а конечниот епилог го постави Силва во 59 минута.

Противник на играчите на Пеп Гвардиола во финалето ќе биде бразилскиот Флуминенсе кој претходно со 2:0 триумфираше против Ал Ахли од Египет.

Натпреварот за титулата на Светското клупско првенство меѓу Манчестер сити и Флуминенсе ќе се игра в петок со почеток од 19.00 часот.