Во седмото коло од најсилното шпанско фудбалско првенство екипата на Барселона дома со 1:0 славеше над Хетафе.

Каталонскиот гигант дојде до минимален триумф со погодокот на полскиот напаѓач Роберт Левандовски во 19 минута.

Тоа е веќе седма победа за Барса оваа сезона во Ла Лига и моментно прво место со 21 бод, четири повеќе од второпласираниот Реал Мадрид кој исто така има седум одиграни натпревари.

Хетафе после третиот пораз во шампионатот е на претпоследната 19 позиција со четири бодови.

Составот на Жирона ремизираше пред своите навивачи без голови (0:0) против тимот на Рајо Ваљекано.

На клупата за резервни играчи кај домаќините беше македонскиот репрезентативец Бојан Миовски, но не доби минутажа.

Во генералниот пласман Жирона е на 12 место со осум бодови, еден помалку од Рајо Ваљекано кој е на 10 позиција.