Најмалку 16 лица загинаа, а 22 се ранети во денешните опсежни руски напади врз јужниот украински регион Херсон, соопшти украинското обвинителство.

Украинските власти најавија од петок навечер воведување полициски час во истоимениот главен град на областа.

„Масовни напади на окупаторите врз цивили во регионот Херсон – билансот се искачи на 16 загинати“, соопшти регионалното обвинителство преку Телеграм.

На социјалните мрежи се објавуваат вознемирувачки видеа и фотографии од загинати во маркет, пред локали,се евакуираат деца, стари лица седат повредени и изнемоштени на јавните површини.

The death toll of the russian May 3 mass shelling across Kherson Oblast and the regional capital reached 18 people as of 18:56 local time, according to Andriy Yermak. https://t.co/ue0O20RVCR pic.twitter.com/AJ1wHEk1pS

— Dénes Törteli 🇪🇺🇭🇺🇺🇦 (@DenesTorteli) May 3, 2023

Како што е наведено, околу 22 други лица биле ранети во тие напади врз цивилната инфраструктура.

Според властите, во два напади врз супермаркет и железничка станица во градот Херсон, во близина на линијата на фронтот, имало најмалку четворица загинати и неколку повредени, а во друго гранатирање биле убиени три лица кои работеле на поправка на енергетски објект во тој регион. Засега не се детално наведени сите руски напади во таа област.

Russian terrorists fired at a mall in Kherson.
3 civilians killed, 5 people injured.

There was no reason to hit the mall. This is a cynical murder.

Ukraine needs more weapons.
This is the only way to peace. pic.twitter.com/wnKKORxGTA

— Serhii Sternenko ✙ (@sternenko) May 3, 2023

Според шефот на локалната воена управа, Олександр Прокудин, Херсон сè уште е цел на руски артилериски напади.

Градот, кој беше окупиран од руските трупи неколку месеци во 2022 година, беше ослободен во ноември минатата година со успешна украинска контраофанзива во регионот.

Оттогаш, Херсон е под редовно руско гранатирање, а руската армија е само од другата страна на реката Дњепар, која ја формира природната линија на фронтот.

Прокудин, исто така, денеска објави 58-часовен полициски час во Херсон од петок навечер, додека Киев ги завршува подготовките за голема офанзива.

Тој рече дека полицискиот час ќе биде од 20:00 часот на 5 мај до 06:00 часот на 8 мај. Во тоа време ќе биде забрането движење низ улиците на градот и ќе биде забрането влегување и излегување од градот.

Тој ги оправда овие привремени ограничувања со тоа што безбедносните сили треба да ја завршат својата работа.

Соопштението на властите дојде откако Киев најави дека „ги привршува“ подготовките за голема офанзива за враќање на териториите окупирани од Русија на исток и југ.