Регионалната музичка ѕвезда Лепа Брена (64) на третиот концерт во загрепската Арена го скрши скочниот зглоб, по што заврши на операција. Од организацијата изјавија дека Брена е оперирана утрово и се чувствува добро, пишува „24 сата.хр“.

А несреќата се случила среде концерт, кога член на техничката екипа несмасно паднал од бината во спуштениот лифт токму во моментот кога Брена го чекала своето појавување пред публиката, при што ja повредил.

Но, Брена со насмевка на лицето излегла од лифтот и ја запеала „Пази коме завидиш“. Никој во салата не забележал дека таа е тешко повредена. Потоа, таа седнала на високо столче и пеела балади, но не поради скршеницата на ногата, туку тоа го планирала продукцијата, како на претходните концерти. И покрај големата болка, Брена не го скратила концертот и уште еднаш ја покажала својата професионалност.

Во меѓувреме се појавија кадри на кои може да се види како Брена пее на сцената во загрепската Арена со завој на едниот зглоб. Исто така, беше објавен и моментот кога член на техничката екипа случајно паднал од бината во спуштениот лифт каде се наоѓала пејачката.

 

View this post on Instagram

 

A post shared by 24sata (@24sata.hr)

ФОТО | Ги покажа нозете долги 2 метра: Лепа Брена насмеана ужива во егзотичен коктел