Кошаркарите на Лос Анџелес лејкерс и Индијана пејсерс ќе играат за трофејот во НБА купот во првата сезона од ова натпреварување после победите над Њу Орлеанс, односно Милвоки.

„Езерџиите“ во Лас Вегас ги совладаа Пеликанси со 133:89, додека Пејсерси беа подобри од Бакси во далеку поинтересен дуел (128:119).

Натпреварот помеѓу Лејкерс и Њу Орлеанс целосно го одбележа еден од најдобрите играчи на сите времиња, Леброн Џејмс. „Кралот“ имаше импресивен учинок за само 22 и пол минути – 30 поени, осум асистенции, пет скокови (4/4 за три поени, 8/8 од линијата за слободни фрлања, 7/12 севкупно од игра).

The Los Angeles Lakers will take on the Indiana Pacers in the first ever NBA CUP FINAL! ?

WHO YOU GOT? pic.twitter.com/WerXICgibf

— Basketball Forever (@bballforever_) December 8, 2023

Џејмс, кој на 30 декември ќе наполни 39 години, стана првиот играч во историјата на НБА кој постигнал 30+ поени со 5+ скокови и 5+ асистенции за помалку од 23 минути. Исто така, никој пред него во историјата на клубот од Лос Анџелес не постигнал 30 поени на еден натпревар толку брзо.

Индијана во победата над Милвоки беше предводена од Тајрис Халибартон кој запиша 27 поени, 15 асистенции и седум скокови.

Финалниот меч меѓу ЛА Лејкерс и индијана за трофејот и наградата од 500.000 долари (по играч) во НБА купот, ќе се игра на 10 декември во Лас Вегас.