ВИДЕО | Лав снимен како се вози во автомобил во Тајван, полицијата ја уапси неговата сопственичка
Полицијата во Тајланд уапсила жена чиј лав кој го чувала како миленик бил снимен додека се возел низ градот Патаја. Видеото од лавчето како гледа минувачи од задниот дел на автомобилот брзо стана вирално на социјалните мрежи. Лавот врзан со синџири го возел маж од Шри Ланка кој оттогаш ја напуштил земјата, а властите веруваат дека станува збор за пријател на сопственикот на животното, Саванѓит Косунгнерн.
Иако не е нелегално да се поседува лав во Тајланд, тој мора да биде официјално регистриран. Саванѓит рече дека го купила младенчето од Тајланѓанец во провинцијата Након Патом, кој го доставил во Патаја. Меѓутоа, подоцна се покажа дека службениците не го провериле неговиот објект каде што чува животни, поради што продажбата била нелегална, пишува Би-Би-Си.
Home-slice rolling down soi 5 with a lion cub in the back of his Bentley- Pattaya pic.twitter.com/PO2as32QWO
— whiskey&rum (@WhiskeyRum) January 23, 2024
Поради тоа, Саванѓит се соочува со обвинение за нелегално поседување диво животно, што предвидува казна од една година затвор и парична казна до 100.000 бати (околу 2.500 евра). Властите, исто така, имаат намера да обвинат маж од Шри Ланка за внесување на диво животно на јавно место, што предвидува затворска казна до шест месеци и парична казна од 50.000 бати.
Следат обвиненија и против човекот кој го продал лавот на жената затоа што го преселил животното без дозвола. Официјални лица велат дека моментално во Тајланд има 224 лавови во легална сопственост.