Кошаркарите на Бостон селтикс доцна синоќа во НБА лигата го совладаа Лос Анџелес лејкерс со резултат 111:101.

Најдобар играч за Бостон беше Џејсон Тејтум со 40 поени, 12 скока и осум асистенции, додека Џејлен Браун постигна 31 поен.

Лука Дончиќ беше најефикасен кај Лејкерси со 34 поени, а Леброн Џејмс забележа 22 поени, 14 скока и девет асистенции.

Бостон е на второто место на табелата во Источната конференција со 46 победи и 18 порази, додека Лејкерси се на третото место во Западната конференција со скор 40-22.

Голден стејт вориорс на домашен терен беа подобри од Детроит со 115:110. Голден стејт до победата го предводеше Стеф Кари со 32 поени, додека Џими Батлер постигна 26. Кај Детроит најефикасен беше Кејд Канингем со 31 поен.

Резултати на другите мечеви: Шарлот-Бруклин 105:102, Хјустон-Њу Орлеанс 146:117, Атланта-Индијана 120:118, Торонто-Вашингтон 117:118, Мајами-Чикаго 109:114, Милвоки-Орландо 109:111.