Вечерва македонскиот репрезентативец Елиф Елмас за првпат како капитен на официјален меч го предводеше Наполи, но клубот од Неапол беше елиминиран на пенали од Кремонезе.

Натпреварот не започна добро за „наполитанците“ откако Пикел во 18. минута донесе предност за гостите. Домаќините изедначија по половина час игра со голот на Жуан Жесус, три минути по првиот гол и Џовани Симеоне се запиша во листата на стрелци за целосен пресврт.

Елиф Елмас беше на теренот до 85. минута, а само две минути откако го напушти теренот Кремонезе преку Афена Гијан постигна гол за продолженија. Кремонезе во 100. минута остана и со играч помалку по исклучувањето на Леонардо Серникола, но и со играчка предност Наполи не постигна трет гол.

Фудбалерите на Кремонезе беа поуспешни во пенал серијата и беа подобри со 5:4. За Наполи не реализираше Лоботока.