Фудбалерите на Лацио го забавија напредокот кон пласман во Лигата на шампионите, откако одиграа без голови на гостувањето кај Венеција, во 26. коло од Серија А.

Лацио очекувано ја имаше иницијативата речиси цел натпревар, а најблиску до гол се најде во 53. минута. Исаксен шутираше под пречката, но Раду се истакна со феноменална одбрана.

Од друга страна, домашните се заканија преку Ористани во завршните минути, но голманот на Лацио го спаси голот. Лацио е на четвртото место во италијанскиот шампионат со 47 бодови, додека Венеција е претпоследна со 17.

Во останатиот дел од натпреварувањето Лацио игра на гости кај Милан, додека Венеција патува во Бергамо на дуел со Аталанта.

Парма на домашен терен ја изненади Болоња со 2:0. Домашните поведоа преку Бони од пенал во 37. минута, а потоа точка на натпреварот стави Сом во 79. минута.

Болоња е на осмото место со 41 бод, додека Парма е на 17. место во генералниот пласман.