Работењето во ресторан може да биде заморно, особено ако треба да се справите со клиенти кои имаат посебни барања, а кои ви ја отежнуваат работата уште потешка отколку што треба.

Но, една келнерка сега откри дека, всушност, постои трик што келнерите го користат кога имаат работа со гости што не им се допаѓаат, а тоа би можело да ви помогне да сфатите дали вие сте проблемот кога одите на ручек во ресторан, пишува „Мирор“.

Една келнерка објави вирално видео на Тик-ток во кое вели дека однапред ја пишува сметката за масите, односно за гостите, коишто сака брзо да го напуштат локалот, наместо да чека тие тоа да го побараат.

@tastyriah #fyp #serverlife #servertok #customerservice ♬ original sound – sissy

Вообичаено, кога барате сметка во ресторан, келнерот ќе отиде до својот компјутер за да ја испечати и да ви ја даде, но ако ја извадат од џеб веднаш штом ја побарате, тогаш можеби ви наговестуваат да побрзате и заминете.

Келнерката, која објавува снимки под корисничкото име @tastyriah, сподели видео на кое ја држи сметката и напиша: „Кога гостите велат ‘може ли да ја добијам сметката’, но јас ја вадам од џебот затоа што чекав да заминете од мојот оддел“.

Многумина од коментаторите на видеото беа и работници во ресторани кои се согласија дека го користат истиот трик за да се обидат да натераат одредени клиенти брзо да си заминат, иако ова обично доаѓа со кажување на масата да плати „секогаш кога се подготвени“ и дека нема „брзање“.