Кејт Мидлтон, принцезата од Велс, ги воодушеви кралските обожаватели со своите вештини за одење на високи потпетици додека ја посетуваше воздухопловната база Конингсби во Линколншир во четвртокот.

За посебната пригода, таа носеше елегантно сиво одело од дизајнерката Бела Фројд, во комбинација со сива кошула од Александар Меквин. Носеше и темно сини потпетици од Стјуарт Вајцман, кои имаа многу високи потпетици, пишува „Хелоу магазин“.

Galler Prensesi Kate Middleton’ın ince topuklu ayakkabılarıyla tereddüt etmeden geriye doğru merdiven inmesi, sosyal medyada gündem oldu.pic.twitter.com/1gP5meRNP6

— Onedio (@onediocom) October 3, 2025

Мидлтон ги воодушеви сите кога се искачи по скалите во високи потпетици и ѕирна во пилотската кабина на воен авион. Кејт се искачи по скалите без да ги гледа, а потоа импресионираше со своите вештини во симулатор за летање. Откако го прегледа авионот, Кејт се врати по истите скали, исто така без никакви проблеми.

Видеото од тој момент стана вирално на социјалните мрежи, предизвикувајќи лавина од позитивни реакции. „Постојано носам штикли и не, не можев да го направам тоа толку беспрекорно и грациозно“, „Таа владееше со тие скали како со модна писта. Чиста елеганција со моќ во секој чекор“, „Таа е природно елегантна“, беа само дел од коментарите.

Кејт е позната по својата импресивна способност лесно да оди во штикли, но и по нејзината способност да игра разни спортови во високи штикли. Таа претходно играла хокеј и одбојка во штикли, а може да оди по трева во штикли за време на натпревари во поло или коњски трки без никакви проблеми.

Пред две години, таа беше пофалена од многумина откако беше снимена како грациозно се симнува од хеликоптер, исто така во високи потпетици. Таа ја посети воздухопловната база на Кралската морнарица во Јеовилтон и излезе од хеликоптерот без никаква помош.

ВИДЕО | Во светот на Хари Потер: Кејт Мидлтон и принцот Вилијам им приредија на своите деца незаборавен викенд