Фудбалерите на Баерн Минхен обезбедија пласман во нокаут фазата на Светското клупско првенство по триумфот од 2:1 над Бока јуниорс.

Англискиот репрезентативец Хари Кејн донесе водство за германската екипа во 18 минута на стадионот во Мајами, САД.

Аргентинците успеаја да израмнат во 66 минута преку Мигел Мерентиел, а Кејн во 84 минута му асистираше на Мајк Олисе во 84 минута за триумф на баварскиот тим.

Во вториот натпревар од второто коло во групата Д, во Нешвил, Есперанс од Тунис го победи Лос Анџелес со 1:0. Херој на Есперанс беше Јусеф Белаили, кој го постигна победничкиот гол во 71 минута.

Американците можеа да го избегнат поразот, но Денис Буанга не реализираше пенал во 11 минута од судиското продолжение.

Светско клупско првенство, 2 коло

Група Ц

Бенфика – Окленд сити 6:0
Баерн Минхен – Бока јуниорс 2:1

Табела: Баерн Минхен 6 бодови, Бенфика 4, Бока јуниорс 1, Окленд сити 0.

Група Д

Фламенго – Челси 3:1
Лос Анџелес – Есперанс Тунис 0:1

Табела: Фламенго 6 бодови, Челси 3, Есперанс Тунис 3, Лос Анџелес 0.