Манчестер јунајтед беше многу блиску да ги разочара своите навивачи на „Олд Трафорд“, на крајот успеа да дојде до три важни бодови откако со 1:0 ја совлада Омонија во четвртото коло од Лига Европа.

Стрелец на единствениот гол за „црвените ѓаволи“ против Кипраните беше МекТоминеј во 93 минута од средбата. За составот на Ерик тен Хаг ќе биде доволен уште само еден бод за да го обезбеди пласманот во следната фаза, а таму веќе се наоѓа Реал Сосиедад кој со 3:0 славеше над Шериф Тираспол.

Малме на македонскиот интернационалец Ердал Ракип го претрпе и четвртиот пораз во групата „Д“ од Унион Берлин (1:0). Швеѓаните на две кола до крајот, не само што ги загубија шансите за првите две места, туку и ја загубија трката за третата позиција која води во Лигата на конференции.

Трабзонспор направи важен чекор кон пласман во следната фаза на Лига Европа. Турците пред своите навивачи со 4:0 го декласираа Монако, а еден гол беше ремек дело на македонскиот репрезентативец Енис Барди.

Во истата група „Х“ Ференцварош со 2:1 беше подобар од Црвена звезда. Сега на табелата водат Унгарците со девет бодови, пред Трабзонспор и Монако кои имаат по шест, а последна е Црвена звезда со три.

Лига Европа

Четврто коло, резултати –

Ференцварош – Црвена звезда 2:1
Лацио – Штурм Грац 2:2
Лудогорец – ХЈК 2:0
Манчестер јунајтед – Омонија 1:0

ПСВ – Цирих 5:0
Реал Сосиедад – Шериф Тираспол 3:0
Трабзонспор – Монако 4:0
Унион Берлин – Малме 1:0