ВИДЕО ИНТЕРВЈУ | Ребека Јанковска-Ристески: Државата врти глава за аутистичните лица
„Невозможна“ мисија е отварање дневни центри за аутистични лица во државата. Со години се лобира, со години празни ветувања, а целиот товар е на семејството, вели Ребека Јанковска-Ристески, родител и активист за права на децата со аутизам.
Таа во разговорот за Утрински печат со емотивна приказна за својот аутистичен син кој всушност е приказна за сите други родители кои се соочуваат со предизвици и искушенија во одгледувањето и грижата за овие деца кои кога ќе пораснат неизвесно е како би продолжиле по својот животен пат, заборавени од општеството.
Добри практики постојат во развиените западни земји кои имаат традиција за грижа и одгледување на оваа категорија граѓани кои дури и ги мотивираат тимовите кои работат со децата со аутистичен спектар финансиски и низ други повластени форми. Во Нов Зеланд на пример, кога лицето ќе наполни 21 година државата го презема од семејството и го финансира неговиот престој, социјализација, анимација и го подготвува за натамошниот живот во институција.