ВИДЕО: Индонезиската болница во Газа која е претворена во „масовна гробница“ е под силен израелски напад
Индонезиската болница во Газа е претворена од медицински центар во „масовна гробница“, соопшти денеска портпаролот на Министерството за здравство, Ашраф ал Кудра, пренесуваат американските медиуми.
Повикувајќи се на персоналот на болницата, портпаролот рече дека има трупови во сите одделенија и дека многу животи се изгубени поради недостиг на залихи.
-Пред мртовечницата има 60 тела, рече Ел Кудра.
Тој додаде дека тие ќе бидат погребани во дворовите во болницата.
На социјалните мрежи се споделуваат снимки за кои се вели дека се случува ужасно бегство на преживеаните од болницата, опкружена од израелските сили, а која е под немилосрден оган.
Снимката го открива хаосот и стравот додека луѓето бараат засолниште, од снајперистите поставени на блиските покриви. Некои преживеани успеаја да стигнат до болницата Ал-Авда, но сепак многумина останаа заробени во индонезиската болница.
Eyewitness documents escape from Indonesian Hospital amidst Israeli siege
An eyewitness inside the besieged Indonesian Hospital in Gaza captures the harrowing escape of survivors. The hospital, encircled by Israeli forces and under relentless fire, presents a dire situation for… pic.twitter.com/7NkFoOQbCf
— Middle East Monitor (@MiddleEastMnt) November 20, 2023
