ВИДЕО: Илегална новогодишна журка во Шпанија – 5.000 луѓе „нападнаа“ село, мештаните збунети
Илјадници луѓе минатата недела се собрале во малото место Ла Песа во шпанската област Андалусија, на нелегално организирана рејв-журка, која целосно ги изненадила локалните жители, пишува „Гардијан“.
Музиката ечела со денови преку десетиците звучници набрзина поставени низ правливите полиња. Илјадници весели рејвери, најмногу од Шпанија, но и од Италија и Холандија, безгрижно танцувале, а многумина ги разгледувале штандовите на кои најдосетливите мештани продавале домашен сапун и парчиња пица од импровизирана печка со кал.
Нелегалниот рејв започнал во петокот, на 31 декември. Масовниот собир го задушил сообраќајот и ги збунил локалните жители.
Cinco días de rave ilegal en Granada: sin precedentes ni previsión de desalojo
La fiesta arrancó el pasado viernes día 30 en la localidad granadina de La Peza y concentra todavía este martes a más de un millar de personas https://t.co/t60TuQE0Yf Por @Sararoab pic.twitter.com/EJI1ixSr9v
— elDiario.es (@eldiarioes) January 3, 2023
„24 часа на ден беше само дум-тс, дум-тс, дум-тс“, рече Фернандо Алварез, градоначалникот на општината.
Жителите со чудење гледале како лавиринт од шатори, каравани и дури седум бини „никнале“ на помалку од километар и пол од центарот на селото. Околу 5.000 луѓе дошле на огромната нелегална журка.
„Тука живееме 1.200 луѓе. Замислете, се разбудивме во петок наутро и бевме 5.200 луѓе. До сабота бевме 6.000“. Искрено, беше малку хаотично“, вели Алварез.
El Ayuntamiento de La Peza ha denunciado la fiesta, que carece de autorización, y que ha generado ruidos y molestias perceptibles a varios kilómetros de distanciahttps://t.co/yG58uQUKWp pic.twitter.com/gSiD9rdxjW
— Cadena SER (@La_SER) January 2, 2023
По пет дена непрекината журка, посетителите на забавата во средата наутро почнале да ги демонтираат шаторите и бините. „Тоа е олеснување“, изјави градоначалникот за Гардијан. „Јас сум многу среќен“.
Општинските власти, сепак, останале затекнати од тоа како еден меѓународен настан успеал да се одржи на територијата на општината без никакво предупредување. „Немаме поим“, рече Алварез. „Искрено, кога би знаел кој го организираше, би ги ангажирал да ја планира нашата селска фиеста“, се пошегува градоначалникот.
