Стефанос Циципас рано го заврши настапот на „УС Опен“ во Њујорк, САД/Фото: EPA-EFE/JUSTIN LANE

ВИДЕО: Халеп и Циципас елиминирани во првото коло на „УС Опен“

Веќе во првото коло на грен слем турнирот „УС Опен“ во Њујорк (САД) се случија неколку изненадувања, Стефанос Циципас претрпе пораз од Даниел Елахи Галан со 3:1 во сетови.

За Колумбиецот (94. на АТП листата) ова е најголема победа во неговата кариера, после два часа и 48 минути игра успеа да го совлада грчкиот тенисер кој беше во кругот на фаворити за трофејот.

Циципас имаше проблеми со десното рамо во текот на целиот меч, па не чуди што првите два сета ги загуби убедливи со 6:0 и 6:1.

Се врати резултатски во игра во третиот сет во кој беше подобар со 3:6, но немаше сили за целосен пресврт, бидејќи во четвртиот сет Елахи Галан повторно доминираше (7:5).

Во женска конкуренција Симона Халеп, која во кариерата има две грен слем титули, загуби од Украинката Дарија Снигур со 6:2, 0:6 и 6:4. Американката Серена Вилијамс која шестпати во кариерата го има освоено „УС Опен“ започна со победа над Црногорката Данка Ковиниќ со 6:3 и 6:3.

„УС Опен 2022“

Мажи, резултати:

Бублик – Гастон 3:0
Сонего – Томпсон 2:3
Дрејпер – Руусувуори 3:0
Фриц – Холт 1:3
Бедене – Качин 2:3
Бонзи – Умбер 2:3
Кирјос – Кокинакис 3:0

Жени, резултати:

Контрерас Гомез – Крејчикова 0:2
Кристиан – Контавејт 0:2
Подороска – Шмиедлова 0:2
Анавесјан – Круниќ 0:2
Бејлек – Самсонова 0:2
Кузмова – Сорибес Тормо 2:0
Фернандез – Додин 2:0

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот